شفتها هناك فى الميدان قاعدة تلملم شعرها ...قاعدة بتحكى فى همها من اللى حصلها ...
فردة الجناح قاعدة تفرق فى الحنان للى انحرم واللى انهزم واللى انضرب لاجلها ...
شفتها هناك فى الميدان ماشية حزينة على الولاد ...
ماشية بتدعى على اللى فى قلوبهم سواد ..
على كل ظالم وكل فاسد وكل واحد واقف يكتر فى الكلام ... من غير عمل من غير جهاد ...
شفتها هناك فى الميدان ... صدقونى كانت هناك
لما الجبان نشن وخد نورها ... فاكر كدة انة ولد ... وانة راجل البلد .. وانة واقف وحاميها .. مع انة حامى حراميها .. فاسد وللفساد عايز يوديها ... اة يا بلد.
شفتها هناك فى الميدان .. قاعدة تطبطب على الولد اللى انقتل واللى انجرح ..واللى انحصر لما لقى ان السكات فية بهدلة ...عينى على الولد
شفتها هناك فى الميدان بتعد ضحايها ..اللى اتخنق واللى انضرب واللى مات برصاصة الغدر لاجل حلمها ييتولد ...
كانت بتبكى وتشكى من الالم والحسرة على اللى راح دمة هدر .. واللى يبكى كلام البيان اللى صدر ..
(مفيش قناصة ..مفيش خرطوش ..مفيش لا غازات ..ومتزعلوش )
قلتلة قول اى حاجة ميهمنيش ..انا قاعدة هنا فى الميدان وبيانك اصلة ميساويش ..ومين يجيب حق الولد .اة يا بلد
12-22-2011
فردة الجناح قاعدة تفرق فى الحنان للى انحرم واللى انهزم واللى انضرب لاجلها ...
شفتها هناك فى الميدان ماشية حزينة على الولاد ...
ماشية بتدعى على اللى فى قلوبهم سواد ..
على كل ظالم وكل فاسد وكل واحد واقف يكتر فى الكلام ... من غير عمل من غير جهاد ...
شفتها هناك فى الميدان ... صدقونى كانت هناك
لما الجبان نشن وخد نورها ... فاكر كدة انة ولد ... وانة راجل البلد .. وانة واقف وحاميها .. مع انة حامى حراميها .. فاسد وللفساد عايز يوديها ... اة يا بلد.
شفتها هناك فى الميدان .. قاعدة تطبطب على الولد اللى انقتل واللى انجرح ..واللى انحصر لما لقى ان السكات فية بهدلة ...عينى على الولد
شفتها هناك فى الميدان بتعد ضحايها ..اللى اتخنق واللى انضرب واللى مات برصاصة الغدر لاجل حلمها ييتولد ...
كانت بتبكى وتشكى من الالم والحسرة على اللى راح دمة هدر .. واللى يبكى كلام البيان اللى صدر ..
(مفيش قناصة ..مفيش خرطوش ..مفيش لا غازات ..ومتزعلوش )
قلتلة قول اى حاجة ميهمنيش ..انا قاعدة هنا فى الميدان وبيانك اصلة ميساويش ..ومين يجيب حق الولد .اة يا بلد
12-22-2011
No comments:
Post a Comment