صديقى فلفل ... او فلفول راجل طيب,اعرفة من زمان ,بس مشكلتة انة حزب وطنى ,صحيح ان الذنب دة من اقبح الذنوب لكن مكتوب عليا اصاحبة
فلفل:صباحوا فل يا باشا ؟؟
العبدلله:صباح النور يا فلفل ..اية الاخبار
فلفل: كلة تمام الحكومة معانا والشرطة معانا والراجل بتاعنا باشا وراقد فى المستشفى ... والقضاء كمان سمح لينا ندخل الانتخابات كانوا فاكرين هيكون فية محظورة تانية وتبقى الوطنى ههعهعهعهع
العبدلله:والله يا فلفل انتو تستاهلوا الحرق بجاز مش العزل.
فلفل:اية يا عم السواد اللى جواك دة .. احنا عملنالك حاجة !!!!الله يرحم ايام زمان مكنتش تقدر تفتح بقك ...ههههععععععهعععع
العبدلله:بزمتك يا فلفل مش مكسوف من نفسك ؟؟ من ولادك ؟؟ من اهلك ؟؟ من صحابك يا جدع ؟؟ حس على دمك يا فقرى
فلفل :بقولك اية سيبك من البوقين الحمضانين دول .. تقدر تقولى الثورة غيرت اية ؟؟عملت اية؟؟الرجالة بتوعنا زى مهما ؟؟ اية يعنى الشريف والعادلى وعز وجرانة دول ولاد تيت ... تقدر تقولى بقة الحكومة والمجلس العسكرى الثورة هى اللى جابتهم ههههه ؟؟ دول رجالتنا يا باشا ولينا جمايل عندهم كتير ..كفاية عليكم يا ثوار تغيير التوقيت وارقام الموبيلات دانتوا طماعين اوى يا جدع
العبدلله:تصدق يا فلفل اول مرة تتكلم كلام يدخل الدماغ
فلفل:والله بس ادونا الفرصة واحنا نكيفكم ونظبطكم ..احنا يابنى اكتر ناس عارفين مصلحة البلد فين وبعدين اللى فاسد اسجنوة ؟؟ هاتو علية دليل واسجنوة مش هنقلكم لا... العبدلله:انت عبيط يا ابنى . انت مش لسة قايل الشرطة معاكم .. طب ما الشرطة والنيابة هما اللى بيجيبو الادلة يا ترى بقة هيدينوا نفسهم ... اما غريبة ؟؟؟ حتى لو دانوا نفسهم القضاء كمان معاكم ودة مش عشان القضاء فاسد لا عشان معندوش غير قوانين حطها الفاسدين نفسهم يعنى هيحاسبهم بقوانينهم ومن الواضح انهم كانوا عاملين حسابهم ... بس حساب يوم الحساب اقوى
فلفل:يا عم متعمليش فيها فيلسوف وثورى ... اللى يقدر يثبت حاجة يثبتها واللى ميقدرشى يحط لسانة فى بقة ويتكتم
ومن هنا اقدر اقول كتمنى فلفل وحطيط لسانى فى بقى واتغميت
هو دة نص الحوار مع فلفل .. الثورة لم تغير شئ مطلقا .. لم تاتى بالفتات وها هم شهداء ومصابى الثورة يتسولون من الدولة حق العلاج والعناية والرعاية ..والمجلس العسكرى لازال مسيطرا يفعل كما يشاء فقد ارغمنا على ان نصدق انة حامى حمى الثوار ... ولازال الخلاف يدب بيننا ولا نعى ما يحاك خارج نطاق معرفتنا ولا نعى ما يحاك داخل اراضينا ... ارجوكم افيقوا ..فها هو حالنا ينتقل من سئ الى اسوء .. وها هى الحكومة تفشل فى اتخاذ ادنى القرارات لصالح المواطن وها هم من نطلق عليهم النخبة يتلاعبون بارادتنا وها هم ساداتنا وشيوخنا يقولون مالا يفعلون ويحرمون ويحللون كما يشاءون .. ارجوكم فلنستعيد ذكرى الثورة ولنتحد ولا نكون كمن قال يهم قوله تعالى: {وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللَّهَ مَعَ الصَّابِرِينَ}
توبة سيد 16-11-2011
العبدلله:صباح النور يا فلفل ..اية الاخبار
فلفل: كلة تمام الحكومة معانا والشرطة معانا والراجل بتاعنا باشا وراقد فى المستشفى ... والقضاء كمان سمح لينا ندخل الانتخابات كانوا فاكرين هيكون فية محظورة تانية وتبقى الوطنى ههعهعهعهع
العبدلله:والله يا فلفل انتو تستاهلوا الحرق بجاز مش العزل.
فلفل:اية يا عم السواد اللى جواك دة .. احنا عملنالك حاجة !!!!الله يرحم ايام زمان مكنتش تقدر تفتح بقك ...ههههععععععهعععع
العبدلله:بزمتك يا فلفل مش مكسوف من نفسك ؟؟ من ولادك ؟؟ من اهلك ؟؟ من صحابك يا جدع ؟؟ حس على دمك يا فقرى
فلفل :بقولك اية سيبك من البوقين الحمضانين دول .. تقدر تقولى الثورة غيرت اية ؟؟عملت اية؟؟الرجالة بتوعنا زى مهما ؟؟ اية يعنى الشريف والعادلى وعز وجرانة دول ولاد تيت ... تقدر تقولى بقة الحكومة والمجلس العسكرى الثورة هى اللى جابتهم ههههه ؟؟ دول رجالتنا يا باشا ولينا جمايل عندهم كتير ..كفاية عليكم يا ثوار تغيير التوقيت وارقام الموبيلات دانتوا طماعين اوى يا جدع
العبدلله:تصدق يا فلفل اول مرة تتكلم كلام يدخل الدماغ
فلفل:والله بس ادونا الفرصة واحنا نكيفكم ونظبطكم ..احنا يابنى اكتر ناس عارفين مصلحة البلد فين وبعدين اللى فاسد اسجنوة ؟؟ هاتو علية دليل واسجنوة مش هنقلكم لا... العبدلله:انت عبيط يا ابنى . انت مش لسة قايل الشرطة معاكم .. طب ما الشرطة والنيابة هما اللى بيجيبو الادلة يا ترى بقة هيدينوا نفسهم ... اما غريبة ؟؟؟ حتى لو دانوا نفسهم القضاء كمان معاكم ودة مش عشان القضاء فاسد لا عشان معندوش غير قوانين حطها الفاسدين نفسهم يعنى هيحاسبهم بقوانينهم ومن الواضح انهم كانوا عاملين حسابهم ... بس حساب يوم الحساب اقوى
فلفل:يا عم متعمليش فيها فيلسوف وثورى ... اللى يقدر يثبت حاجة يثبتها واللى ميقدرشى يحط لسانة فى بقة ويتكتم
ومن هنا اقدر اقول كتمنى فلفل وحطيط لسانى فى بقى واتغميت
هو دة نص الحوار مع فلفل .. الثورة لم تغير شئ مطلقا .. لم تاتى بالفتات وها هم شهداء ومصابى الثورة يتسولون من الدولة حق العلاج والعناية والرعاية ..والمجلس العسكرى لازال مسيطرا يفعل كما يشاء فقد ارغمنا على ان نصدق انة حامى حمى الثوار ... ولازال الخلاف يدب بيننا ولا نعى ما يحاك خارج نطاق معرفتنا ولا نعى ما يحاك داخل اراضينا ... ارجوكم افيقوا ..فها هو حالنا ينتقل من سئ الى اسوء .. وها هى الحكومة تفشل فى اتخاذ ادنى القرارات لصالح المواطن وها هم من نطلق عليهم النخبة يتلاعبون بارادتنا وها هم ساداتنا وشيوخنا يقولون مالا يفعلون ويحرمون ويحللون كما يشاءون .. ارجوكم فلنستعيد ذكرى الثورة ولنتحد ولا نكون كمن قال يهم قوله تعالى: {وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللَّهَ مَعَ الصَّابِرِينَ}
توبة سيد 16-11-2011
2 comments:
انت بتتكلم عليا يا توبة مااااااشى
عيب عليك دانت حبيبى
Post a Comment