كان ياما كان يا اطفالنا الحلويين ... وما يحلى الكلام الا فى ذكر النبى علية الصلاة والسلام !!
كان فى ثورة قامت .. صحت كل الناس اللى نامت
فتحت العيون على الحقيقة ... عشناها سوى دقيقة دقيقة
كان فى اولاد صغيرين عايزين يقولوا رايهم ... ويحكوا همهم
بس عمو التنين واولادة وعصابتة ... كانو فاتحين سجنهم
اللى يقول كلمة ... بيلسعة بالواوة .. وكان اعلامنا يسقف ويظيط ويقول "والله براوة "
الكل كان ساكت إلا الولاد الصغيرين ... صمموا على هدفهم ... وفى طريق الثورة ماشيين
جالهم عموا التنين وبعت ولادة التنانين ....
يضربوا فيهم ويقتلوا ... ويقولوا فى الراديو ... اصل العيال وحشين ... وشوية قالوا مجانين
بس الولاد جدعان ... صبروا على كلامهم ... وطنشوا الراديو .. صبروا على الامهم ...
قصر الكلام
نجح الولاد يقلبوا طربيزة التنين ... دخلوا المغارة بتاعتة وظبطوا الوحشين
بس يا خسارة خلصوا من التنين جالهم الغول بهلول .. وقالهم مبروك ...
انا قصدى احمى المغارة واسبكوا فيها عايشين
سيبونى احكم شهور ... مش طمعان فى سنين
سمع الكلام الولاد وانبسطوا على الاخر ...دة اصلة حامى الحمى وامان من الاخر
ودليل كلامة يا ناس انة سجن تنين ...
يمكن بيضحك علينا بس ديتها شهور ... نعمل بقى انتخابات ولا نقيم دستور
بعض الولاد اختاروا ... والبعض التانى ثاروا ... والكل اتنهب دارة ... واحتاروا حيرة جحا وحمارة
المهم .. نجح الغول يا ولاد يفرق الثوار ... ويدير المغارة براحتة ... اسوء من استعمار
فتح السجون للولاد... والقاضى من صنفة ... والحكم بعد المداولة ... والكل خايف عنفة
لسة الحكاية ياولاد نهايتها مش عارفاة ... يمكن فى يوم تنتهى بعون الله
اولادى الحلوين يوم الجمعة وفى نفس الميعاد ... نتجمع فى التحرير .... واللى ييجى هيحضر الثورة ويتسلى بالحدوتة
اقولكم اية ... توتة توتة .....ثورة وحدوتة
توبة سيد
10-11-2011
كان فى ثورة قامت .. صحت كل الناس اللى نامت
فتحت العيون على الحقيقة ... عشناها سوى دقيقة دقيقة
كان فى اولاد صغيرين عايزين يقولوا رايهم ... ويحكوا همهم
بس عمو التنين واولادة وعصابتة ... كانو فاتحين سجنهم
اللى يقول كلمة ... بيلسعة بالواوة .. وكان اعلامنا يسقف ويظيط ويقول "والله براوة "
الكل كان ساكت إلا الولاد الصغيرين ... صمموا على هدفهم ... وفى طريق الثورة ماشيين
جالهم عموا التنين وبعت ولادة التنانين ....
يضربوا فيهم ويقتلوا ... ويقولوا فى الراديو ... اصل العيال وحشين ... وشوية قالوا مجانين
بس الولاد جدعان ... صبروا على كلامهم ... وطنشوا الراديو .. صبروا على الامهم ...
قصر الكلام
نجح الولاد يقلبوا طربيزة التنين ... دخلوا المغارة بتاعتة وظبطوا الوحشين
بس يا خسارة خلصوا من التنين جالهم الغول بهلول .. وقالهم مبروك ...
انا قصدى احمى المغارة واسبكوا فيها عايشين
سيبونى احكم شهور ... مش طمعان فى سنين
سمع الكلام الولاد وانبسطوا على الاخر ...دة اصلة حامى الحمى وامان من الاخر
ودليل كلامة يا ناس انة سجن تنين ...
يمكن بيضحك علينا بس ديتها شهور ... نعمل بقى انتخابات ولا نقيم دستور
بعض الولاد اختاروا ... والبعض التانى ثاروا ... والكل اتنهب دارة ... واحتاروا حيرة جحا وحمارة
المهم .. نجح الغول يا ولاد يفرق الثوار ... ويدير المغارة براحتة ... اسوء من استعمار
فتح السجون للولاد... والقاضى من صنفة ... والحكم بعد المداولة ... والكل خايف عنفة
لسة الحكاية ياولاد نهايتها مش عارفاة ... يمكن فى يوم تنتهى بعون الله
اولادى الحلوين يوم الجمعة وفى نفس الميعاد ... نتجمع فى التحرير .... واللى ييجى هيحضر الثورة ويتسلى بالحدوتة
اقولكم اية ... توتة توتة .....ثورة وحدوتة
توبة سيد
10-11-2011
No comments:
Post a Comment